«Իսկ ո՞ւր են տարել հարստացված ուրանը»․ Հակոբ Բադալյան

Քաղաքական մեկնաբան Հակոբ Բադալյանի ֆեյսբուքյան գրառումը․ «Իրանը հայտնում է, որ հարստացված ուրանը նախապես տեղափոխել էին այն կենտրոններից, որոնց հարվածել է ԱՄՆ:
Շատ հավանական է: Համենայն դեպս, տարօրինակ կլիներ, եթե չլիներ այդպես: Իսկ ո՞ւր են տարել: Իրանի տարածքո՞ւմ է, թե՞ Ռուսաստանում, օրինակ:
Շաբաթներ առաջ, երբ բանակցում էին ԱՄՆ ու Իրանը, հրապարակվեց տեղեկություն, որ Թրամպը արտահայտել է գաղափար՝ Իրանի ուրանը հարստացնի Ռուսաստանը:
Թե՞ Իրանի հարստացված ուրանի պաշարները տեղափոխվել են Իրանում ՌԴ ներկայությամբ օբյեկտներ:
Հիշեցնեմ երկու օր առաջ Պուտինի արած մի ուշագրավ հայտարարություն, որ Իսրայելի հետ պայմանավորվել են, որ հարված չի լինելու միջուկային այն օբյեկտներին, որտեղ աշխատում են ռուսաստանցի մասնագետներ:
Ինչպես ասում են, մեծ եւ սուր քաղաքականությունը իր խորքում շատ «կլոր» մի բան է»: