«Մեկ շաբաթից ավելի է՝ 30 ընտանիք ջուր չունի»․ այգեպատցիներ

Մեկ շաբաթից ավել է, ինչ Արարատի մարզի Այգեպատ համայնքում ջուր չկա։ Համայնքի բնակիչներն իրենց բողոքի ձայնն են բարձրացնում խնդրի շուրջ։ «Ջրատարները հին են, անորակ, տարին 10 անգամ վթարվում ա, գալիս՝ վերանորոգում են, չեն փոխում, որոշ ժամանակ հետո՝ նույն վիճակն ա, ինչքա՞ն կարելի է»,- նշեց բնակիչներից մեկը։
«Հարևան գյուղերից ենք ջուրը բերում, էդ մարդկանց տներում ջրաչափեր են դրված, ինչքա՞ն կարանք գնանք, ուրիշներին նեղություն տանք։ Կամ ասենք խմելու ջուրը բերեցինք, բա լվա՞ցքը»,- իր վրդովմունքը հայտնեց մեկ այլ բնակիչ։
«3 փողոց, 30 ընտանիք ջուր չունի, բայց պիտի ջրի փողը մուծենք. չենք էլ մուծելու»,- հավելեց մյուսը:
Նշենք, որ մեկ այլ համայնքում՝ Լուսառատում ևս ջրի խնդիր կա։ Արդեն 15 օր է՝ գյուղը զրկված է ջրից։ Բնակիչներն Արարատի մարզպետարանում իրենց բողոքի ձայնն են բարձրացրել: