Երկուշաբթի, 30 հունիսի, 2025 թ.
|
Ստեփանակերտում`   +24 °C

«Անհապաղ վերսկսե՛լ ԱԷՄԳ-ի հետ աշխատանքը»․ Մակրոնը՝ Փեզեշքիանին

«Անհապաղ վերսկսե՛լ ԱԷՄԳ-ի հետ աշխատանքը»․ Մակրոնը՝ Փեզեշքիանին
171
Այսօր, 10:22

Ֆրանսիայի նախագահ Էմանուել Մակրոնն Իրանի նախագահ Մասուդ Փեզեշքիանի հետ հեռախոսազրույցում կոչ է արել պահպանել Միջուկային զենքի չտարածման մասին պայմանագիրը և համագործակցել Ատոմային էներգիայի միջազգային գործակալության (ԱԷՄԳ) հետ։ Այս մասին Մակրոնը գրել է X-ի իր էջում։

«Իմ հիմնական ուղերձներն էին՝ Միջուկային զենքի չտարածման մասին պայմանագրի պահպանումը և ԱԷՄԳ-ի աշխատանքների անհապաղ վերսկսումը Իրանում՝ լիակատար թափանցիկություն ապահովելու համար»,- ասվում է գրառման մեջ։

Երկու երկրների նախագահները, մասնավորապես, քննարկել են նաև Իրանի և Իսրայելի միջև հրադադարի պահպանման և միջուկային ծրագիրը քննարկելու համար բանակցությունների սեղանի շուրջ վերադառնալու հարցերը։

Ավելի վաղ Իրանի խորհրդարանը քվեարկել էր ԱԷՄԳ-ի հետ համագործակցությունը դադարեցնելու օգտին։