«Դա Ադրբեջանի իրավունքն է»․ Պեսկով

594

Երկուշաբթի, 21 հուլիսի, 2025 թ., 14:43

Մոսկվան կսպասի պաշտոնական վճիռների, եթե Ադրբեջանն Ակտաուի մոտ տեղի ունեցած ինքնաթիռի վթարից հետո միջազգային դատարաններ հայց ներկայացնի Ռուսաստանի Դաշնության դեմ։ Այս մասին ճեպազրույցի ժամանակ հայտարարել է ՌԴ նախագահի մամուլի քարտուղար Դմիտրի Պեսկովը։

Ավելի վաղ լրատվամիջոցները հայտնել էին, որ Բաքուն փաստաթղթեր է պատրաստում միջազգային դատարաններ ներկայացնելու համար՝ Ակտաուի մոտ AZAL ինքնաթիռի վթարի հետ կապված։

«Ընթանում են քննչական գործողություններ, ընթացքի մեջ են դատավարությունները։ Եթե Ադրբեջանը նման որոշում կայացնի, դա Ադրբեջանի իրավունքն է, մենք կսպասենք պաշտոնական վճիռների», - ասել է Պեսկովը։

Միևնույն ժամանակ Պեսկովը շեշտել է՝ «Մեզ համար շատ կարևոր է, որ ռուսներին հարգեն Ադրբեջանում»։