«Մալթան կճանաչի Պաղեստինը»․ Ռոբերտ Աբելա

Մալթայի վարչապետ Ռոբերտ Աբելան Ֆեյսբուքի իր էջում գրել է, որ իր երկիրը պաշտոնապես կճանաչի Պաղեստին պետությունը ՄԱԿ-ի Գլխավոր ասամբլեայի 79-րդ նստաշրջանի ընթացքում, որը տեղի կունենա 2025 թվականի սեպտեմբերին։

Նրա խոսքով՝ ճանաչումը նպատակ ունի համերաշխություն արտահայտել Պաղեստինի ժողովրդին և քայլ է դեպի բանակցությունների վերսկսումը՝ միջազգային իրավունքի և ՄԱԿ-ի Անվտանգության խորհրդի բանաձևերի հիման վրա։

Բացի այդ, ևս 9 երկիր հայտարարել է նման քայլ կատարելու մտադրության մասին՝ Անդորրան, Ավստրալիան, Կանադան, Իսլանդիան, Լյուքսեմբուրգը, Նոր Զելանդիան, Պորտուգալիան, Սան Մարինոն և Ֆինլանդիան։

Նշվում է, որ ԵՄ 27 երկրներից 12-ն արդեն ճանաչել են Պաղեստինը։

Ավելի վաղ Պաղեստինը ճանաչելու իրենց մտադրության մասին են հայտնել Ֆրանսիան և Մեծ Բրիտանիան։