Կիրակի, 23 օգոստոսի, 2026 թ.
|
Ստեփանակերտում`   +20 °C

«Մեդվեդևի խոսքերի պատճառով երկու միջուկային սուզանավ կտեղակայվի». Թրամփ

«Մեդվեդևի խոսքերի պատճառով երկու միջուկային սուզանավ կտեղակայվի». Թրամփ
1237
Ուրբաթ, 01 օգոստոսի, 2025 թ., 21:54

Դոնալդ Թրամփը հայտարարել է, որ Դմիտրի Մեդվեդևի խոսքերի պատճառով հրամայել է տեղակայել երկու միջուկային սուզանավ համապատասխան տարածքներում:

«Ռուսաստանի նախկին նախագահ Դմիտրի Մեդվեդևի ծայրահեղ սադրիչ հայտարարությունների կապակցությամբ․․․ ես հրամայել եմ տեղակայել երկու միջուկային սուզանավ համապատասխան տարածքներում», - գրել է նա իր Truth Social սոցիալական ցանցում:

Թրամփի խոսքով՝ խոսքերը կարող են հանգեցնել «անկանխատեսելի հետևանքների», և նա հույս ունի, որ «այս անգամ դա տեղի չի ունենա»:

Ավելի վաղ Թրամփը Մեդվեդևին խորհուրդ էր տվել զգույշ լինել իր խոսքերի մեջ՝ նշելով, որ նա մտնում է վտանգավոր տարածք:

Ի պատասխան՝ Մեդվեդևն ասել էր, որ «եթե նախկին նախագահի խոսքերը նման նյարդային արձագանք են հարուցում ԱՄՆ նախագահի մոտ, ուրեմն Ռուսաստանն ամեն ինչում ճիշտ է և կշարունակի գնալ իր սեփական ճանապարհով»: Մեդվեդևը հիշեցրել է նաև ՌԴ-ի կողմից միջուկային ավտոմատ հարվածի հնարավորության մասին, որը ենթադրում է պատասխան հարված՝ անգամ բանակի հրամանատարության ոչնչացումից հետո:

Կարդացե՛ք նաև