«Ադրբեջանը պատասխանատվություն չի կրում ՌԴ-ի հետ հարաբերությունների վատթարացման համար»․ Ալիև

Ադրբեջանի նախագահ Իլհամ Ալիևը կարծում է, որ իր երկիրը պատասխանատու չէ Ռուսաստանի հետ հարաբերությունների վատթարացման համար։
«Ադրբեջանը պատասխանատու չէ Ռուսաստանի հետ հարաբերությունների վատթարացման համար և երբեք չի հանդուրժի ագրեսիա կամ անհարգալից վերաբերմունք», - ասել է Ալիևը «Al Arabia» հեռուստաալիքին տված հարցազրույցում։
Խոսելով Եկատերինբուրգում սպանությունների հետ կապված հանցավոր խմբավորման անդամների հունիսյան ձերբակալությունների մասին՝ Ադրբեջանի նախագահն այս պատմությունը որակել է որպես «Ռուսաստանում գտնվող ադրբեջանցիների վրա անհիմն հարձակումներ»։

Նրա խոսքով՝ Բաքուն «արձագանքում է կառուցողական և օրինական ճանապարհով»։