Լռություն՝ «մեծ մարտից» առաջ. «Հրապարակ»

«Հրապարակ»-ը գրում է. «Երեկ ռեկորդային ժամկետում՝ քառորդ օրում, ՔՊ-ն սպառեց ԱԺ քառօրյա նիստերի օրակարգը և մեծ ընդմիջումից հետո մի քանի ժամանոց հանգստի գնաց՝ վերադառնալով միայն հայտարարությունների ժամին։ Մեզ ասացին, որ հատուկ են թեթև օրակարգ ընտրել՝ «մեծ մարտից» առաջ: Բանն այն է, որ այսօր առավոտվանից սկսվելու է 2026 թվականի բյուջեի նախագծի քննարկումը, մեկնարկը տալու է Նիկոլ Փաշինյանը, բայց քանի որ այն նախընտրական տարվա բյուջե է, և նախորդ օրերին էլ ՀՀ նախկին նախագահներն իրենց հարցազրույցներով լավ «ցավեցրել» են Փաշինյանին, թիմը որոշել է գլխավոր ֆինանսական փաստաթղթի քննարկումը վերածել նախկինների ոսկորներն աղալու գործընթացի՝ նորից հիշելով՝ է՛լ գող փիսո, է՛լ քաչալ շուն»: