«Գաղտնալսում արեցին նաև պարոն Վանեցյանին, որն ԱԱԾ տնօրեն էր». Անդրանիկ Քոչարյան

«Այո՛, գաղտնալսումներ ոչ միայն անում ա Ազգային անվտանգությունը, բայց դուք տեսաք, որ գաղտնալսում արեցին նաև պարոն Վանեցյանին, որն ԱԱԾ տնօրեն էր: Դժվար թե պարոն Վանեցյանն ինքն իրեն գաղտնալսեր»,- ԱԺ-ում ասաց ՔՊ-ական պատգամավոր Անդրանիկ Քոչարյանը՝ անդրադառնալով Հովիկ Աղազարյանի դիտարկմանը, ըստ որի՝ գաղտնալսումները երբեմն արվում են ո՛չ օրենքները պահպանելով: «Երբ պարոն Վանեցյանն էլ ԱԱԾ տնօրենի պաշտոնը չէր զբաղեցնում, ես իրեն հարց եմ տվել: Ինքն ասաց, որ մենք բացահայտել ենք, ես ասել եմ՝ էդ դեպքում ասա անուն: Ինչ-որ սխեմաներ ասեցին՝ ինչ-որ դրսից, ներսից և այլն, բայց դա բավարար չէր. պարոն Վանեցյանին պետք ա Գլխավոր դատախազությունն ավելի հստակ հարցեր տար և ասեր՝ որտեղի՞ց ձեզ տեղեկություն, թե ձեզ ով ա գաղտնալսել: Գաղտնալսել ԱԱԾ տնօրենին, դա նշանակում ա՝ գաղտնալսել պետական բոլոր կառույցներին, որն անթույլատրելի է»,- հավելեց ՔՊ-ական պատգամավորը: