Չորեքշաբթի, 21 հունվարի, 2026 թ.
|
Ստեփանակերտում`   -5 °C

«Եղբայրս փորձել է բարձրանալ, որ կարողանա մի քիչ օդափոխվի». Կարեն Դուրգարյան

«Եղբայրս փորձել է բարձրանալ, որ կարողանա մի քիչ օդափոխվի». Կարեն Դուրգարյան
1795
Երեքշաբթի, 23 դեկտեմբերի, 2025 թ., 00:18

«Ես շատ հպարտ եմ, որ նման անձնավորությունը իմ կողքին է ու փորձում է օգտակար լինել թատրոնը զարգացնելու ուղղությամբ: Ուզում եմ հիշեցնել, որ թատրոնը 30 տարի քանդվել է այն մարդկանց պատճառով, որոնց ես համարում եմ խուլիգաններ»,- «Առավոտ»-ի հետ զրույցում ասել է Ալ. Սպենդիարյանի անվան օպերայի և բալետի ազգային ակադեմիական թատրոնի տնօրեն Կարեն Դուրգարյանը՝ մեկնաբանելով իր օգնականի և համատեղության կարգով հորեղբորորդու՝ Վրեժ Դուրգարյանի գործողությունները Մայր Աթոռում:

Դուրգարյանը շեշտել է, որ իր օգնականի գործողությունները չի համարում խուլիգանություն. «Եթե ուշադիր եք նայել այդ տեսագրությունը, ապա կտեսնեք, որ բավականին շատ մարդ կար այնտեղ: Շատերն ընկել էին հատակին և շատերը նույնիսկ շնչելու հնարավորություն չունեին, որովհետև սեղմված էին, եղբայրս փորձել է բարձրանալ, որ կարողանա մի քիչ օդափոխվի: Նա փորձել է ուղղորդել մարդկանց, որ հանկարծ ոտքերով չգան գետնին ընկած մարդկանց վրա»:,- զարմիկին արդարացրել է Կարեն Դուրգարյանը:

Հիշեցնենք, որ Վրեժ Դուրգարյանը դեկտեմբերի 18-ին բարձրացել էր Մայր Աթոռում շիրիմի վրա ու ցուցարարներին ձեռքով ուղղորդում էր Մայր տաճար ներխուժել:

«Եղբայրս փորձել է բարձրանալ, որ կարողանա մի քիչ օդափոխվի». Կարեն Դուրգարյան