Հոնկոնգի ափերի մոտ հայտնաբերվել են փափուկ կորալների երկու նոր տեսակներ

Hong Kong Baptist University-ի հետազոտողների խումբը՝ պրոֆեսոր Ցյու Ցզյանվենի գլխավորությամբ, հայտնաբերել է նախկինում անհայտ երկու փափուկ կորալներ: Ըստ South China Morning Post-ի՝ նոր տեսակները հայտնաբերվել են Սունգան կղզու ջրերում։

Այս կորալներից մեկը՝ Paraminabea inflata-ն, Հոնկոնգում հայտնաբերված երրորդ նմանատիպ կորալն է: «Աշխարհում Paraminabea ցեղի կորալների ընդամենը 11 տեսակ կա, և դրանցից երեքը հայտնաբերվել են Հոնկոնգում», - թերթին ասել է Ցյու Ցզյանվենը։

Մյուս տեսակը՝ Parasphaerasclera dimorpha-ն, մինչ այժմ հայտնաբերվել է միայն Հոնկոնգի ջրերում և Չինաստանի ափերի մոտ գրանցված առաջին նմանատիպ տեսակն է: