Ուրբաթ, 07 օգոստոսի, 2026 թ.
|
Ստեփանակերտում`   +25 °C

Ինդոնեզիայում հայտնաբերվել է ամենահին ժայռապատկերը՝ 67,8 հազար տարվա վաղեմությամբ

Ինդոնեզիայում հայտնաբերվել է ամենահին ժայռապատկերը՝ 67,8 հազար տարվա վաղեմությամբ
9028
Կիրակի, 25 հունվարի, 2026 թ., 15:34

Ինդոնեզիայի Մունա կղզու Լիանգ Մետանդունո քարանձավում մարդաբանները հայտնաբերել են մինչ օրս ամենահին ժայռապատկերը՝ օխրայով գծագրված ձեռքերի երկու ուրվագծեր, որի տարիքը 60.9 հազար և 67.8 հազար տարի է։ Այն մի քանի հազար տարով հետ է մղում նկարչական արվեստի առաջացման ժամանակը, հայտնել է Ավստրալիայի Գրիֆիթի համալսարանի մամուլի ծառայությունը:

«Պարզվում է, որ Սուլավեսին և նրա հարևան կղզիները հնագույն ժողովուրդների նկարչական ​​մշակույթի ամենավաղ և ամենահարուստ կենտրոններից էին, որը Զոնդյան կղզիներում ձևավորվել է առնվազն 67,800 տարի առաջ։ Այս բացահայտումը ընդգծում է Սուլավեսիի և Նոր Գվինեայի միջև գտնվող ինդոնեզական այլ կղզիների հետագա հնագիտական ​​ուսումնասիրության կարևորությունը», - ասել է Գրիֆիթի համալսարանի պրոֆեսոր Մաքսիմ Օբերը։