«ՔՊ-ականներից որևէ մեկը չարձագանքեց կոչիս՝ մայրիկիս համոզել, թե խաղաղությունն արդեն եկել է»․ Գեղամ Մանուկյան

Ընդդիմադիր խմբակցության պատգամավոր Գեղամ Մանուկյանը գրառում է կատարել իր էջում՝ կցելով տեսանյութ․ «Այս օրերին էլ Նիկոլը սկսել է պատերազմ-խաղաղություն կեղծ երկընտրանքն առաջ տանել։
Պատասխաններ, փաստարկներ դեռ շատ են լինելու։
Հիմա տեղադրում եմ դեռ ամիսներ առաջվա ելույթս։
Պատասխաններ այդ կեղծ բաժանման, Ադրբեջանի հետ նախաստորագրված փաստաթղթի, դրանում հայկական շահով առաջնորդված բոլոր առաջարկների բացակայության մասին։
Ի դեպ, այս ամիսներին ՔՊ պատգամավորներից որևէ մեկը չարձագանքեց կոչիս՝ գալ մեր տուն ու մայրիկիս համոզել, թե խաղաղությունն արդեն եկել է...»։