«Ընդդիմության հաղթանակի պարագայում մեր երկրում տեղի է ունենալու կապիտալ վերանորոգում»․ Լևոն Տեր-Պետրոսյան

ՀԱԿ վարչության անդամ Ավետիս Ավագյանը համագումարի ժամանակ ընթերցեց ՀՀ առաջին նախագահ Լևոն Տեր-Պետրոսյանի ուղերձը․ «Սրտանց ողջունում եմ ՀԱԿ 5-րդ համագումարի բոլոր մասնակիցներին՝ մաղթելով հաջողություն և արդյունավետ աշխատանք խորհրդարանական առաջիկա ընտրություններում՝ ցանկալի արդյունքի հասնելու սպասումով։ Ես հիանում եմ ձեր ակտիվությամբ, գրագետ և համարձակ հրապարակումներով ու վերլուծություններով, ֆեյսբուքյան փայլուն գրառումներով։ Գնահատում եմ նաև դաշինքներ ձևավորելու ուղղությամբ ձեր թափած ջանքերը։ Խորին հարգանքս կուսակցության ավագ սերնդի ներկայացուցիչներին, ջերմ ողջույններս կրտսեր սերնդի եռանդուն կոնգրեսականներին։ Իմ նախազգացումով՝ առաջիկա ընտրություններում, ընդդիմության հաղթանակի պարագայում, մեր երկրում հիրավի տեղի է ունենալու կապիտալ վերանորոգում»։