Չորեքշաբթի, 17 հունիսի, 2026 թ.
|
Ստեփանակերտում`   +22 °C

«ԱՄՆ-ն կվերցնի Իրանի հարստացված ուրանը, եթե համաձայնություն ձեռք բերվի». Թրամփ

«ԱՄՆ-ն կվերցնի Իրանի հարստացված ուրանը, եթե համաձայնություն ձեռք բերվի». Թրամփ
1095
Երկուշաբթի, 23 մարտի, 2026 թ., 21:23

Եթե ԱՄՆ-ի և Իրանի միջև համաձայնություն ձեռք բերվի, Վաշինգթոնը կվերցնի Թեհրանի հարստացված ուրանը։ Այս մասին ԱՄՆ-ի նախագահ Դոնալդ Թրամփը լրագրողներին ասել է Ուեսթ Փալմ Բիչի (Ֆլորիդա) օդանավակայանում՝ Թենեսի կատարած աշխատանքային այցից առաջ։

«Մենք չենք ուզում տեսնել միջուկային ռումբ, միջուկային զենք։ Նույնիսկ մոտիկից։ Մենք խաղաղություն ենք ուզում Մերձավոր Արևելքում։ Մենք ուզում ենք միջուկային փոշի։ Մենք դա ենք ուզում։ Եվ կարծում եմ, որ մենք այն կստանանք»,- ընդգծել է Սպիտակ տան ղեկավարը։

Մարտի 23-ին Թրամփը հայտարարել է, որ ԱՄՆ-ն և Իրանը վերջին երկու օրերի ընթացքում արդյունավետ բանակցություններ են վարել։ Այդ բանակցություններից հետո, նրա խոսքով, Վաշինգթոնը հինգ օրով դադարեցրել է Իրանի էլեկտրակայանների և էներգետիկ ենթակառուցվածքների վրա հարվածները։

Այս հայտարարությունից հետո Իրանի արտաքին գործերի նախարարությունը հերքել է ԱՄՆ-ի հետ որևէ բանակցության առկայություն։ Նախարարության տվյալներով՝ Թրամփի մեկնաբանություններն էներգիայի գները իջեցնելու փորձ էին։ Անվտանգության բարձրաստիճան պաշտոնյան Tasnim-ին նաև ասել է, որ ԱՄՆ-ի նախագահը հետ է կանգնել կարևորագույն ենթակառուցվածքներին հարվածելու վերջնագրից, այն բանից հետո, երբ Իրանի ռազմական սպառնալիքները «իրական ուժ են ստացել»։