«Իրանը հրաժարվել է միջուկային զենք մշակելու իր ծրագրերից». Թրամփ

ԱՄՆ-ի նախագահ Դոնալդ Թրամփը հայտարարել է, որ Իրանը հրաժարվել է միջուկային զենք մշակելու իր ծրագրերից: Նա ասել է, որ հաջորդ հինգ օրերը կորոշեն, թե արդյոք հնարավոր է Վաշինգթոնի և Թեհրանի միջև խաղաղության համաձայնագիր կնքել: Հրադադարի հավանականությունը «շատ բարձր է», հավելել է նա: «Կարծում եմ՝ կա շատ մեծ հավանականություն, որ մենք կհասնենք համաձայնագրի: Դա կարող է շատ լավ գործարք լինել բոլորի համար», - ասել է Թրամփը Մեմֆիսում ունեցած ելույթի ժամանակ (հեռարձակվել է Սպիտակ տան YouTube ալիքով):

Մարտի 23-ին Դոնալդ Թրամփը հայտարարել է, որ ԱՄՆ-ն բանակցություններ է վարում Իրանի «առաջնորդ անձի» հետ, բայց ոչ թե գերագույն առաջնորդ Մոջթաբա Խամենեիի հետ: Ynet-ը հաղորդում է, որ այս շաբաթ Պակիստանում նախատեսված են ԱՄՆ-Իրան բանակցություններ: Հրատարակության համաձայն՝ ամերիկյան կողմը ակնկալում է լուծել հակամարտությունը մինչև ապրիլի 9-ը: