«Օրվա մեջ 4-5 անգամ սխալվում են, տենց էլ երկիր են կառավարում»․ Գառնիկ Դանիելյան

«Ախր իրենք օրվա մեջ 4-5 անգամ սխալվում են, տենց էլ երկիր են կառավարում»,- ճեպազրուցի ժամանակ ասել է ԱԺ «Հայաստան» խմբակցության պատգամավոր Գառնիկ Դանիելյանը՝ անդրադառնալով ԱԺ նախագահ Ալեն Սիմոնյանի այսօրվա հայտարարությանը։

«Ասում են՝ մենք տենց բան չենք ասել, առավոտվա ասած բանը կեսօրին ասում են՝ մենք տենց բա՞ն ենք ասել, մե՞նք, լա՞վ եք տեսել, կարող ա մենք չենք։ Եթե մարդը քրոնիկ ստախոս է, ինչի՞ մասին է խոսքը, առավոտյան մի բան է ասում, կեսօրին ասում է՝ էդ ես չեմ։ Ինքը տենց էլ երկիր է կառավարում, տենց էլ գնում է բանակցությունների։ Երկիրը չպիտի ղեկավարվի ու կառավարվի ուրախ ավտոբուսի տրամաբանությամբ, ոնց որ ավտոբուսն է, այնպես էլ պետական կառավարման համակարգն է, արտաքին հարաբերությունները»,- շարունակել է ընդդիմադիր պատգամավորը՝ թեմայի համատեքստում խոսելով նաև Նիկոլ Փաշինյանի մասին: