«Բուն խնդիրը ոչ թե նիկոլն է, այլ «նիկոլիզմը»․ Ռուբեն Մելիքյան

Փաստաբան Ռուբեն Մելիքյանի ֆեյսբուքյան գրառումը․ «Բուն խնդիրը ոչ թե նիկոլն է, այլ «նիկոլիզմը»։ Հարյուրամյակներ շարունակ այդ չարափառ երևույթը գոյություն է ունեցել մեր հանրային կյանքում՝ որպես անսկզբունքայնության, դավաճանության, ստորաքարշության, օտարամոլության, նախանձի, նենգության, կեղծավորության, տմարդության, գռեհիկության, ագահության մարմնավորում։ Այն դատափետել են մեր պատմիչները, պարսավել՝ մեր վարդապետները, բայց այն նորանոր «մարմնավորումներ» է ստացել ու եկել-հասել մեր օրեր ու վերջապես իրեն ցույց տվել իր ծայրահեղ դրսևորմամբ՝ ի դեմս հայի մեջ առկա ամենայն վատի ու ամենայն ստորի գերագույն մարմնավորում հանդիսացող չարանենգ մի արարածի։
Այդ մահաբեր չարիքին մանդատից զրկելու առաքելությունը համարում եմ սրտի տակ հայկականության արժեքներ կրող ցանկացած մեկի սրբազան պարտքը։
Բայց այդ առաքելությունն ունի նաև ներքին ու անհատական կողմ - պայքար մղելու մեր իսկ ներսում վստահաբար գոյություն ունեցող «նիկոլիզմի» բացիլի դեմ ու հաղթահարելու այն։ Միշտ, ամեն օր պետք է մի փոքր ժամանակ հատկացնենք ու պայքարենք այդ բացիլի դեմ։ Ու եթե տեսնում ենք, որ մեր հարազատը, ընկերը, բարեկամը վարակվել է ու հայտնվել «նիկոլիզմի» ճիրաններում, պետք է երես չդարձնենք ու պետք է փորձենք հետ բերել։ Առանց հոգնելու ու առանց կոշտության։ Քանի՞ անգամ։ Յո՞թ անգամ։ Ոչ։ Յոթ ու յոթ անգամ, ու յոթանասուն ու յոթ անգամ՝ ըստ Ավետարանական գեղեցիկ փոխաբերության»։