«ՀՀ քաղաքացին և սպառողը մնացել են «Վեոլիա Ջուր» ընկերության դեմ մեն-մենակ». Թագուհի Թովմասյան

ԱԺ պատգամավոր Թագուհի Թովմասյանի ֆեյսբուքյան գրառումը՝ կից տեսանյութով. «ՀՀ քաղաքացին և սպառողը մնացել են «Վեոլիա Ջուր» ընկերության դեմ մեն-մենակ:
?Հայաստանում այսօր ամենասուր խնդիրներից մեկը ջրամատակարարման ոլորտում առկա ճգնաժամն է՝ կապված «Վեոլիա Ջուր» ընկերության գործունեության հետ։
?Ջրանջատումները շարունակվում են, կոյուղու և ջրամատակարարման համակարգերը շարունակում են մնալ բարոյապես և ֆիզիկապես մաշված վիճակում։ Խոստացված ներդրումները չեն իրականացվում այն ծավալով, ինչ անհրաժեշտ է, և արդյունքում մենք շարունակում ենք ունենալ քաղաքացիների շարունակական դժգոհություններ։
?Միաժամանակ արձանագրում եմ նաև Կառավարության միջամտությունը, որը, սակայն, բովանդակային առումով որևէ շոշափելի արդյունք չտվեց։ Մենք շարունակում ենք ունենալ նույն ջրանջատումները, ինչ կար՝ մինչև հայտնի հայտարարությունը...
Կան թաղամասեր, որոնք օրերով մնում են առանց ջրի, իսկ քաղաքացիների դժգոհությունները, փաստացի, մնում են օդում՝ առանց լուծումների։
? Այս պայմաններում հարց ուղղեցի՝ Մրցակցության և սպառողների շահերի պաշտպանության հանձնաժողովի անդամի թեկնածու Թադևոս Ավետիսյանին․
❓Ի՞նչ է հնարավոր անել այս ուղղությամբ։
❓Ինչպիսի՞ արդյունավետ մեխանիզմներ եք պատկերացնում իրավիճակը փոխելու համար։
❓Եվ որպես մասնագիտական կառույցի ապագա ներկայացուցիչ՝ ինչպե՞ս եք պատրաստվում ապահովել և պաշտպանել ՀՀ քաղաքացու՝ սպառողի շահը»: