Իրանը միջնորդների միջոցով ԱՄՆ-ին է փոխանցել խաղաղության ծրագրի պատասխանը

Թեհրանը պաշտոնական պատասխան է ուղարկել հակամարտությունների կարգավորման՝ ԱՄՆ-ի առաջարկած ծրագրին և սպասում է Վաշինգթոնի արձագանքին։ Այս մասին հայտնում է Tasnim գործակալությունը՝ հղում անելով աղբյուրին։

Խոսքը 15 կետից բաղկացած փաթեթի մասին է, որը, ըստ The New York Times-ի, ԱՄՆ-ն ավելի վաղ փոխանցել էր Իրանին՝ Մերձավոր Արևելքում հակամարտությունը դադարեցնելու համար։

«ԱՄՆ-ի առաջարկած 15 կետերին Իրանի պատասխանը պաշտոնապես ուղարկվել է երեկ երեկոյան»,- ասվում է հայտարարության մեջ:

Աղբյուրի հաղորդմամբ՝ ի պատասխան Թեհրանը պահանջել է դադարեցնել ռազմական գործողությունները և հակամարտությունների կրկնությունը կանխելու երաշխիքներ, ինչպես նաև պատճառված վնասի փոխհատուցում տալ։ Բացի այդ, Իրանը պնդում է, որ պետք է ճանաչի Հորմուզի նեղուցի նկատմամբ իր ինքնիշխանությունը։

Միաժամանակ, Թեհրանը բանակցություններին պատրաստակամության մասին ԱՄՆ-ի հայտարարությունները համարում է ժամանակ շահելու փորձ, նշում է գործակալությունը։

Մարտի 26-ին ԱՄՆ-ի նախագահ Դոնալդ Թրամփը հայտարարել էր, թե իրանական կողմը «աղաչում է» ԱՄՆ-ին գործարքի համար՝ միաժամանակ հրապարակայնորեն հայտարարելով, որ դիտարկում է միայն Վաշինգթոնի առաջարկը։ Ամերիկացի առաջնորդը Իրանին խորհուրդ է տվել արագ ուշքի գալ՝ «քանի դեռ ուշ չէ»։