«Ինչո՞ւ է ընդդիմադիր գործիչը հայհոյելու համար բերման ենթարկվում, իսկ ԱԺ նախագահը՝ ոչ»․ հարց՝ Ռուբեն Ռուբինյանին

«Ինչո՞ւ է ընդդիմադիր գործիչը հայհոյելու համար բերման ենթարկվում, իսկ ԱԺ նախագահը՝ ոչ։ Այսինքն՝ տարբերություն է դրվո՞ւմ»,- ճեպազրույցի ժամանակ լրագրողը հարց ուղղեց ԱԺ փոխնախագահին՝ անդրադառնալով երեկ Ալեն Սիմոնյանի մասնակցությամբ միջադեպի վերաբերյալ Ռուբինյանի գնահատականին, ըստ որի՝ դա ՀՀ քաղաքացիների՝ ԱԺ նախագահի և ընդդիմադիր գործչի միջև միջադեպ էր։ «ԱԺ նախագահը հանգիստ իր համար դուս եկավ ԱԺ-ից, քայլում էր, եկավ մի քաղաքական գործիչ՝ հեռախոսով լայվը միացրած, և սկսեց իրեն ասել «արա», և այլն․․․ պա՞րզ չէ։ Այսինքն էդ քաղաքական գործիչը իրա համար կանգնած էր, ԱԺ նախագահը եկավ, սկսեց հարձակվե՞լ։ Ձեր նշած գործիչը եկել և սադրել է ԱԺ նախագահին և դրա համար ստացել է պատասխան»,- հավելեց Ռուբինյանը: