«Եթե Փաշինյանը որոշի ստեղծել «Հերիքնազ» դաշինք, գրանցելո՞ւ են, թե՞ չէ»․ Էդգար Ղազարյան

«Սա նաև Նիկոլ Փաշինյանի իրավունքներն է սահմանափակում, անզգույշ քայլ են անում»,- ԱԺ դիմաց ասուլիսի ժամանակ հայտնեց հասարակական, քաղաքական գործիչ Էդգար Ղազարյանը։ Եթե Նիկոլ Փաշինյանն ասի՝ հերիք է այս ժողովրդին տանջեմ, և որոշի ստեղծել «Հերիքնազ» դաշինք, հիմա այդ դեպքում դաշինքը գրանցելո՞ւ են, թե՞ չէ, կարող է ասեն, որ դա կնոջ անձնանուն է, չի կարելի»,- շարունակեց Ղազարյանը։ «Նրանք այս որոշումը կայացրել են, երբ նախագահի հրամանագրով ընտրությունների օրը սահմանված է, երբ արդեն «Ուժեղ Հայաստան Սամվել Կարապետյանի հետ» դաշինքը ստեղծված է, բացի այդ որոշումը կայացնում է ընդամենը մեկ կուսակցություն, որն իր հերթին արդեն ընտրությունների հայտ է ներկայացրել, նույնիսկ ցուցակն է հրապարակել, նախընտրական ծրագիրը և ինքը գործընթացի մյուս առանցքային մրցակցին, որից ակնհայտորեն զգում է, որ պարտվում է, թույլ չի տալիս, որ ինքն իր նախընտրած ձևով մասնակցի։ Այստեղ որևէ բացատրություն գոյություն չունի»,- նշեց նա։