«Ձեր առաջնորդի անգրագիտությունը մի փորձեք փակել Ազնավուրով ու Սարոյանով». Ռուբեն Ռուբինյանը՝ Սամվել Կարապետյանի աջակիցներին

«Կալուգացի օլիգարխի աջակիցները հիմա էլ նոր պատճառաբանություն են գտել, թե ինչու նա նորմալ հայերեն չի խոսում, ասում են՝ Շառլ Ազնավուրն ու Վիլյամ Սարոյանն էլ նորմալ հայերեն չէին խոսում: Նախ, նրանք նորմալ հայերեն խոսում էին, արևմտահայերեն էին խոսում, չնայած կարող էին չխոսել, որովհետև ծնվել էին արտերկրում, երկրորդ սերնդի գաղթականներ էին: Հաջորդը, նրանք շատ լավ խոսում էին համապատասխանաբար անգլերեն ու ֆրանսերեն: Իսկ ձեր օլիգարխը ծնվել, մեծացել, բուհն ավարտել է ՀՀ-ում, բայց նորմալ հայերեն չի խոսում, ավելին, նորմալ ռուսերեն էլ չի խոսում»,- ֆեյսբուքյան եթերում ասել է ԱԺ փոխնախագահ Ռուբեն Ռուբինյանը՝ խոսքն ուղղելով Սամվել Կարապետյանի աջակիցներին: «Ձեր առաջնորդի անգրագիտությունը մի փորձեք փակել Ազնավուրով ու Սարոյանով»,- հավելել է Ռուբինյանը: