«Ռուսական գազի արտոնյալ գինը ՀՀ-ի համար կարող է դառնալ շուկայական, եթե երկիրը դուրս գա ԵԱՏՄ-ից». Պեսկով

Երևանին գրավող գազի արտոնյալ գինը կարող է ձևավորվել շուկայական հիմունքներով, եթե Հայաստանը որոշի դուրս գալ ԵԱՏՄ-ից։ Այս մասին ճեպազրույցի ժամանակ հայտարարել է ՌԴ նախագահի մամուլի քարտուղար Դմիտրի Պեսկովը։

«Մենք լսել ենք Հայաստանի ղեկավարության հայտարարություններն այն մասին, որ ռուսական գազի և ռուսական էներգակիրների համար գործում է բավականին գրավիչ, առավել քան արտոնյալ գին․ դա իսկապես այդպես է։ Ռուսաստանը շարունակում է մնալ էներգակիրների հուսալի և պատասխանատու մատակարար բոլոր երկրների, հատկապես՝ իր ամենամոտ դաշնակիցների և գործընկերների համար»,- ասել է Պեսկովը։ Միևնույն ժամանակ, նա նշել է, որ «նման ռեժիմը հնարավոր չէ այլ ինտեգրացիոն միավորումների մասնակիցների համար»՝ դա «իհարկե, Եվրոմիությունն է»։ «Այնտեղ գները բոլորովին այլ են՝ շուկայական։ Մեր ընկերները Երևանում դա շատ լավ գիտեն»,- եզրափակել է նա։