«Մոռացե՞լ եք՝ ով էր ասում՝ հոգիս փառավորվում է, որ ոստիկաններին հարվածում են»․ Գառնիկ Դանիելյան

«Մեզ մեղադրում են անկարգություններ կազմակերպելու մեջ, բայց մոռացե՞լ եք, թե ով էր ասում՝ հոգիս փառավորվում է, որ ոստիկաններին հարվածում են, քարեր, փայտեր, մահակներ վերցրեք և ինքնապաշտպանություն կազմակերպեք»,- այսօր ԱԺ-ում ասաց «Հայաստան» խմբակցության պատգամավոր Գառնիկ Դանիելյանը և միացրեց Մարտի 1-ի իրադարձությունից ձայնագրություն։ «Մենք երբեք նման կոչեր չենք արել, իսկ Սրբազան պայքարի գործով ամբողջը զրպարտություն է, կոնտեքստից կտրված ձայնագրություններ, որոնց 50 տոկոսը չի լսվում և այստեղից ասվում է, որ ձայնագրություններն իրական են։ Մարտի 1-ի հետ կապված անընդհատ ասելով Մարտի 1, Մարտի 1-ը բացահայտված չէ, դե բացահայտեիք, 8 տարի իշխանության էիք՝ բացահայտեիք»,- հավելեց Դանիելյանը։