«300 հազար ադրբեջանցի փախստականի թեման կենդանի պահում են նրանք, ովքեր խոսում են Ղարաբաղը վերանվաճելու մասին». Նիկոլ Փաշինյան

«Մեզ վախեցնում են 300 հազար ադրբեջանցի փախստականի վերադարձով. այդ թեման կենդանի պահում են նրանք, ովքեր խոսում են Ղարաբաղը վերանվաճելու մասին»,- Կոռնիձորում քարոզարշավի ժամանակ հայտարարել է Նիկոլ Փաշինյանը: «ՀՀ-ն ու Ադրբեջանը ճանաչել են միմյանց ինքնիշխանությունն ու տարածքային ամբողջականությունը, մենք Ղարաբաղի ժողովրդին տնավորում ենք ՀՀ-ում ու էդ փախստականների թեման փակում ենք ընդմիշտ: Հակառակ դեպքում, մենք էլ հո չենք ասի՝ Բաքու պիտի վերադառնան մերոնք, Նախիջևան վերադառնան: Եթե ասենք, նշանակում է՝ կոնֆլիկտի վերսկսում: Պետք է հանդարտվել, ապրել իրական Հայաստանում»,- հավելել է նա: