«Վերջին տարիներին մայիսի 9-ը դիմավորում ենք դառնացած ու տագնապներով». Արշակ Կարապետյան

«Համահայկական ճակատ» շարժման առաջնորդ,
գեներալ-մայոր Արշակ Կարապետյանի ուղերձը․ «Սիրելի՜ հայրենակիցներ, Հայրենական Մեծ պատերազմի մեծարգո՜ վետերաններ, շնորհավորում եմ Ձեզ Մեծ Հաղթանակի 81-րդ տարեդարձի և Խաղաղության տոնի կապակցությամբ։
Այսօր՝ մայիսի 9-ին, մենք խորին հարգանքի և երախտագիտության տուրք ենք մատուցում Հայրենական Մեծ պատերազմի վետերաններին և նրանց, ովքեր թիկունքում կերտել են Մեծ Հաղթանակը, գլուխ ենք խոնարհում ֆաշիզմի դեմ մարտերում՝ հանուն Հայրենիքի խաղաղության և անդորրի զոհվածների հիշատակի առջև:
Վերջին տարիներին մայիսի 9-ը դիմավորում ենք դառնացած ու տագնապներով: Սա առաջին հերթին կապված է 2020թ. 44-օրյա պատերազմի ծանր հետևանքների հետ, Արցախի կորստով և Հայաստանի Հանրապետության շուրջ ծավալվող ագրեսիվ քաղաքականությամբ: Միջազգային փոթորկալից իրադրությունն ավելի է սրում այդ իրավիճակը, որովհետև մեր տարածաշրջանի անվտանգային համակարգերը դեֆորմացված են:
Ներկայիս ցավալի իրականությունը, որը վերջին տարիներին վշտի ստվեր է գցել բոլորիս սրտերի վրա, քիչ առիթներ է տալիս ազգային կամ հայրենասիրական ուրախության համար։ Սակայն սա չպետք է դառնա պատճառ մեր հերոսական անցյալը մոռացության անդունդը նետելու, ինչպես նաև լուսավոր ապագայի հույսը թողնելու համար՝ հույս, որը ուժ է ստանում անցյալ տասնամյակների ազգային նվաճումներից։
Թող մեր ազգային կորուստները չխամրեն ո՛չ մեր հաղթանակների, ո՛չ էլ իրենց կյանքը զոհաբերած և դրանց հասնելու համար պայքարած հերոսների հիշողությունը։ Թող այս հիշողությունը զորացնի մեզ և ոգեշնչի մեզ նոր վճռականության ուղի կերտելու, որպեսզի մեր ազգի համատեղ տոնակատարությունները շարունակվեն։
Այս իրավիճակում Հայրենիքի համար իրենց կյանքը տված նահատակների առաջ մեր ամենամեծ պարտավորությունը մեր պետականության ուժեղացումն ու զորացումն է, և այս ծրագրի մաս պիտի լինի մեր տարածաշրջանում մեր հարաբերությունների կարգավորումը:
Սիրելիներ, թող այս օրը ևս մեկ առիթ լինի աղոթելու մեր ժողովրդի այն որդիների և դուստրերի համար, ովքեր անցյալի փառքի կենդանի վկաներն են։
Մեր սիրելի՜ վետերաններ, մենք խոնարհվում ենք Ձեր առջև, մաղթում ենք Ձեզ առողջություն և բարեկեցություն։
Շնորհավոր Մեծ Հաղթանակի և Խաղաղության տոնը։
Պատիվ ունեմ»։

«Իշխանությունը համակարգված իրականացնում է ՀՀ-ի ինտեգրումը թուրքական աշխարհին»․ Արեգ Սավգուլյան
2401:07
«Ամեն տեղ պետք չէ գնալ մեքենայով, բնությունը վնասվում է»․ Անի Խաչատրյան
3000:48
«Աշխարհը պաշտոնապես թևակոխել է կլիմայական ծայրահեղությունների դարաշրջան»․ Լևոն Ազիզյան
3400:42
Վերին Լարսը փակ է բեռնատարների համար
80Երեկ, 23:49
Աթենքի աշխարհահռչակ Ակրոպոլիսի թանգարանում բացվել է «Հին Հայաստան» խորագրով ցուցահանդես
62Երեկ, 23:18
Մայր Աթոռում կատարվել է 9 սարկավագների ընծայման կարգը
62Երեկ, 22:42
«Երևանցիների գույքը դարձել է ՔՊ-ի հարկային ախորժակի թիրախը»․ Սարգիս Տեր-Եսայան
116Երեկ, 16:48
«Հենց խոսում է՝ կարծես Իլոն Մասկը լինի»․ Ոսկան Սարգսյան
114Երեկ, 15:24