Իշխանական քարոզչամեքենան ստում է` հանրահավաքի վայրից ոչ մի անձ բերման չի ենթարկվել. «Ուժեղ Հայաստան»

Իշխանական քարոզչամեքենան ստում է. երեկ հանրահավաքի վայրից որևիցե անձ բերման չի ենթարկվել։ Այս մասին լրագրողներին հայտնել են «Ուժեղ Հայաստան» կուսակցությունից։
«Երեկ իշխանական քարոզչամեքենան իրականությանը կեղծ տեղեկություններ էր տարածել առ այն, որ Հաղթանակի զբոսայգում «Ուժեղ Հայաստան» դաշինքի հանրահավաքի վայից բերման են ենթարկել դաշինքի երեք աջակից՝ սառը զենքի կասկածանքով։ Այս տեղեկությունները իրականությանը չեն համապատասխանում։ Երեկ հանրահավաքի վայրից որևիցե անձ բերման չի ենթարկվել։
Մեզ հաջողվեց ճշտել, որ նույն ժամին միջոցառման անցկացման վայրի հարակից տարածքից սառը զենք կրելու կասկածանքով բերման է ենթարկվել 3 քաղաքացի, որոնք, չեն մասնակցել հանրահավաքի և որևիցե առնչություն չունեն «Ուժեղ Հայաստան» կուսակցությունների դաշինքի հետ։
Ըստ մեր ունեցած տեղեկությունների՝ նշված անձինք բերման ենթարկվելուց հետո կարճ ժամանակ անց ազատ են արձակվել և որևիցե քրեական վարույթ այդ անձանց առնչությամբ չի հարուցվել»։

Հիշեցնենք՝ ՆԳՆ–ն երեկ հայտնել էր, որ «Ուժեղ Հայաստանի» հավաքի վայրից 3 անձ է տեղափոխվել ոստիկանություն: