«Ադրբեջանցին չի կարող լինել ՀՀ-ի անվտանգության երաշխավորը, այն էլ՝ միակ»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Կենդանիների ոչ մի տեսակ, ոչ մի խմբի չի առաջնորդում թույլ, տատանվող, վախկոտ առաջնորդ, միայն մոլորված մարդկանց են առաջնորդում նմանները։ Նմանների առաջնորդության հետևանքները շատ ծանր են լինում ՝ պատերազմ, հազարավոր զոհեր, վիրավորներ, տարածքային կորուստներ, իշխող խմբի շրջանում մեծ կոռուպցիա, պետբյուջեի անխնա վատնում, իրավական կամայականություններ, թմրամոլության և խաղամոլության ծաղկում։ Իշխանափոխությունից հետո Հայաստանում պետք է բացվեն քաղաքական լիկվիդացիոն կայաններ, որտեղ 8 տարի իշխանության գեբելսյան պրոպագանդայից խաբվածները վերջապես թափ կտան իրենց գլխին լցված հոպոպի փոշին, կսրբեն ուղեղների ժանգը, կսովորեն մտածել, կհասկանան վերջապես, որ հայ կանանց մորթող, սեմինարի մասնակից, քնած հայ սպային կացնահարող ադրբեջանցին չի կարող լինել Հայաստանի անվտանգության երաշխավորը, այն էլ՝ միակ»։