Հնդկական օվկիանոսում հայտնաբերվել է ծովային օրգանիզմների 149 նոր տեսակ

RV Investigator հետազոտական նավի երկու արշավախմբերը 2021 և 2022 թվականներին ուսումնասիրել են ուսումնասիրել են Կոկոսյան կղզիների և Սուրբ Ծննդյան կղզու շրջակայքի ծովի հատակը․ դրանք Ավստրալիայի տարածքներ են Հնդկական օվկիանոսի մեջտեղում։ Վիկտորիայի թանգարանի, Ավստրալիայի թանգարանի և ազգային գիտական գործակալության՝ CSIRO-ի գիտնականները հավաքել են ավելի քան 1 000 նմուշ՝ 22 ստորջրյա լեռներից (այսպես կոչվում են գագաթները, որոնք բարձրանում են ծովի հատակից, բայց չեն հասնում ջրի մակերեսին)։

Բոլոր գտածոներից 149-ը գիտության համար բոլորովին նոր էին: Դրանց թվում են ծովաստղեր, խորջրյա որդեր, ծովային վարունգներ (հոլոթուրիաներ), բեղոտանի խեցգետիններ և ձկներ: Արդյունքները հրապարակվել են Deep Sea Research Part II ամսագրի հունիսյան համարում:

Ամենատպավորիչ գտածոն սպունգասեր ծովախեցգետինն է։ Այն իր մեջքին կրում է կենդանի ուղեկից՝ սպունգ (ծովային օրգանիզմ) կամ այլ ծովային արարած, և այն կրում է ինչպես գլխարկ։ Դա քողարկիչ միջոց է. այս կենդանի «գլխարկի» տակ ո՛չ գիշատիչը, ո՛չ էլ որսը չեն կարող տեսնել ծովախեցգետինին։ Մեկ այլ հայտնի գտածո է Atheraster umbo ծովաստղը։ Դրա մերձավոր ազգականը հայտնի է խորջրյա կորալներով սնվելով։