«Տպավորություն է, որ Փաշինյանն ուզում է ԵԱՏՄ-ն ներսից քանդել․ դա վտանգավոր է»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Տպավորություն է, որ Նիկոլ Փաշինյանն ուզում է ԵԱՏՄ-ն պառակտել
ԵԱՏՄ-ն 2015 թվականից ավելի քան 10 տարի գործում է։ Նիկոլ Փաշինյանն այսօր հայտարարել է, որ ինքը ԵԱՏՄ-ն, դրա աշխատանքը, գործընթացները, օրակարգը լավ գիտի։ Նա անընդունելի է համարել, որ իր բացակայությամբ ԵԱՏՄ-ում հայտարարություն է ընդունվել; Փաշինյանը հայտարարել է, որ այն, այն ինչ տեղի է ունենում Հայաստանի հետ, ԵԱՏՄ որոշ երկրներում անհանգստություն է առաջացնում, որ դա կարող է նաև իրենց հետ տեղի ունենալ։ Նիկոլ Փաշինյանը ասել է՝ ԵԱՏՄ-ն հայտարարել է ինքնալուծարման մասին։ Նա դիվերսիֆիկացիայի վերաբերյալ խոսելով՝ նշել է ԵԱՏՄ անդամ որոշ երկրներում տիրող անհանգստության մասին։ Փոխանակ Ռուսաստանի և ԵԱՏՄ-ի հետ կառուցողական երկխոսություն վարի, նախաձեռնի, Փաշինյանը խոսում է, կենտրոնանում է առկա տարաձայնությունների վրա։ Տպավորություն է ստեղծվում, որ Փաշինյանն ուզում է ներսից քանդել ԵԱՏՄ-ն։ Դա դրսի օրակարգ է, Հայաստանի ու անձամբ Նիկոլ Փաշինյանի համար՝ վտանգավոր»։