«Պատճառը «գտնվել» է՝ խցանումների մեղավորը վարորդներն են, որ «ինքնագլուխ» մտնում են խաչմերուկ»․ Հակոբ Բադալյան

Քաղաքական մեկնաբան Հակոբ Բադալյանը ֆեյսբուքյան իր էջում գրել է. «ՆԳՆ-ն քանի օր է պտտում է մի տեսանյութ, թե՝ խցանումների ժամանակ խաչմերուկ մտնողներին տուգանելու են, որովհետեւ մտնում են ու խորացնում խցանումը:
Ահա, պատճառը գտնվել է՝ խցանումների մեղավորը վարորդներն են, որ «ինքնագլուխ» մտնում են խաչմերուկ ու առաջացնում են խցանում: Քաղաքը համատարած ենթարկվել է կաթվածի՝ անկազմակերպ երթեւեկության, քանդված փողոցների, անկանոն շինարարության, ապարդյունավետ կառավարման հետեւանքով, բայց մեղավորը խաչմերուկ մտնողներն են:
Առաջարկում եմ, որ ոչ միայն տուգանել, այլ պարզապես ձերբակալել բոլոր այն վարորդներին, որոնք որեւէ խաչմերուկ կմտնեն առանց կառավարության հատուկ թույլտվության: Օրինակ, կարելի է դա հատկապես ակտիվ կիրառել ընդդիմության ներկայացուցիչների նկատմամբ:
Ի դեպ, չեմ զարմանա նաեւ, եթե հայտարարեն, որ հետընտրական համատարած ձերբակալություններով նաեւ պայքարում են խցանումների դեմ»: