«Չկա իմ ու քո քաղբանտարկյալ, բոլորը ՀՀ-ում հաստատված կոնցլագերյան համակարգի քաղբանտարկյալներն են»․ Դերենիկ Մալխասյան

«Անդրանիկ Թևանյանը քաղբանտարկյալ է և ենթարկվում է քաղաքական հետապնդման ու բռնաճնշումների։ Միայն ՔՊ-ական փոքրիկ խմբակն է փորձում իմիտացիա ստեղծել, որ այդ գործի հիմքերում ինչ որ բան կա, որով կարելի է մեղադրել նրան»,- ՄԻՊ գրասենյակի դիմաց կազմակերպած ակցիայի ժամանակ ասաց «Մայր Հայաստան» կուսակցության անդամ Դերենիկ Մալխասյանը։ «Խախտելով անմեղության կանխավարկածը, արհամարելով Սահմանադրությունը, օրենքներն ու մարդու իրավունքների հիմնարար սկզբունքները՝ իրենց քարոզչամեքենաներով արատավորում, պախարակում են Թևանյանին։ Իրենք իրենց դրել են դատարանի տեղ և մարդուն արդեն հանցագործ են հռչակում։ Այս ամենը պետք է օր առաջ կանգնեցվի, այս ուղտը չոքելու է բոլորի դուռը, հասկացեք, չկա իմ, քո, սրա, նրա քաղբանտարկյալ, բոլորը ՀՀ-ում հաստատված կոնցլագերյան համակարգի քաղբանտարկյալներն են, այդ մարդիկ հանիրավի հետապնդվում են»,- նշեց Մալխասյանը։