«Տուժում կամ ահաբեկվում են երեխաները, ում ծնողները զբաղվում են քաղաքականությամբ»․ Վահե Գրիգորյան

Փաստաբան Վահե Գրիգորյանը ֆեյսբուքյան էջում գրում է․ «Ինչպես միշտ՝ թիրախավորվում, տուժում կամ ահաբեկվում են անչափահաս երեխաները, ում ծնողները զբաղվում են քաղաքականությամբ․ սա Հայկական քաղաքականության ամենապիղծ դրսևորումն է:
Թողես՝ առավոտից երեկո երեխաների նկատմամբ բռնությունից կխոսեն, կդատապարտեն, մի 10-20 գրանտի համար կդիմեն, որոշներն անգամ գիտական կոչումներ կստանան այդ թեմայով աշխատանքի համար, բայց երբ այդ բռնությունը, լինի ֆիզիկական կամ հոգեբանական, իրականացնում են ուժային կառույցները, արձագանք, դատապարտում կամ կանխելու փորձ չկա։
Սա ծույլ հայելիների թագավորություն չէ, սա խեղված մարդկանց հանրապետություն է»։