ՔՊ-ականները լքեցին դահլիճը

«Մենք այսօր եկել էինք քննարկման՝ ակնկալիքով, որ կքննարկենք Ղարաբաղի մեր հայրենակիցների սոցիալական խնդիրներին վերաբերող հարցեր, բայց այս հանդիպումը կարծես դարձել է միջխորհրդարանական հանդիպում, ինչ-որ պաշտոնների անուններ են հնչում, իսկ մենք բազմիցս ասել ենք, որ Հայաստանում չի կարող լինել երկու խորհրդարան, երկու կառավարություն, և մենք ստիպված ենք լքել այս քննարկումը»,- ԱԺ-ում արցախցիների հետ հանդիպման ժամանակ հայտարարեց ՔՊ-ական պատգամավոր Մարիամ Պողոսյանը և կառավարության ներկայացուցիչների ու ՔՊ-ականների հետ լքեց դահլիճը։

Քննարկման ժամանակ ընդդիմադիր պատգամավոր Լիլիթ Գալստյանը, ներկայացնելով Արցախի ներկայացուցիչներին, նշել էր նրանց պաշտոնները։