«Վաղուց է հստակ, թե Ալիևի մտքին ինչ կա»․ Արա Պողոսյան

Քաղաքագետ Արա Պողոսյանը ֆեյսբուքյան իր էջում գրել է․ «Գոնե իմ համար արդեն վաղուց է հստակ, թե Ալիևի մտքին իրականում ինչ կա, ինչ ռազմավարություն է որդեգրել, ինչպես է այն պատրաստվում իրականացնել:
Իրականում էստեղ էական նշանակություն ունի 1990-ականների պարտությունից հետո ձևավորված պարտվածի հոգեբանական բարդույթի ու ատելության, նախանձի, ռևանշի տարիներով կուտակված նստավածքի գործոնը մի կողմից, և 2020 թվականից հետո ձևավորվող հաղթողի սոցիալ-հոգեբանական բաղադրիչը, որոնք միասին ձևավորում են մաքսիմալիստական ու կանխատեսելի վարքագիծ:
Իրականում հաղթողը հաճախ շատ ավելի կանխատեսելի է, քան պարտվողը, որովհետև պարտվողը ստիպված է ասիմետրիկ ռազմավարություն իրականցնել այն պարագայում, երբ հաղթողը հավատում է «խաղաղություն ուժի սպառնալիքով» բանաձևին»։