«Պետք չէ քաղաքականացնել». ՀՀ-ում ՌԴ դեսպանը՝ Գյումրիում կնոջ սպանության մասին

1220

Երեքշաբթի, 18 դեկտեմբերի, 2018 թ., 14:50

Գյումրիում ռուս զինծառայողի կողմից հայ կնոջ սպանության գործով զբաղվում են ռուսական ռազմաբազան և քննչական մարմինները: Այս մասին այսօր լրագրողների հետ զրույցում ասել է ՀՀ-ում ՌԴ դեսպան Սերգեյ Կոպիրկինը:

Նրա խոսքով՝ տվյալ հարցը պետք չէ քաղաքականացնել, քանի որ դա չի նպաստի քննության արդյունավետությանն ու օբյեկտիվությանը:

Հանցագործությունը «սարսափելի» անվանելով՝ Կոպիրկինը վստահություն է հայտնել, որ մեղավորը կստանա իր արժանի պատիժը:

«Եկեք չխանգարենք քննությանը: Հիշո՞ւմ եք դատախազի հայտարարությունը՝ «ի՞նչ կապ ունի 102-րդ ռազմաբազան»: Սակայն այս օրերին որոշ լրատվամիջոցներ մի միտք էին առաջ քաշում՝ «հետքերը տանում են դեպի 102-րդ ռազմաբազա»: Եվ դա արվում էր այն դեպքում, երբ քննությունը որևէ տարբերակ չուներ»,- ասել է դեսպանը: