Ուրբաթ, 19 հունիսի, 2026 թ.
|
Ստեփանակերտում`   +23 °C

Դատարանը վերացրել է Ալեքսանդր Սարգսյանի կալանավորման որոշումը

Դատարանը վերացրել է Ալեքսանդր Սարգսյանի կալանավորման որոշումը
46
Այսօր, 19:12

Վերաքննիչ հակակոռուպցիոն դատարանի դատավոր Սուրեն Խաչատրյանը վերացրել է ՀՀ երրորդ նախագահ Սերժ Սարգսյանի եղբոր՝ Ալեքսանդր Սարգսյանի նկատմամբ կիրառված կալանավորման որոշումը։ Այս տեղեկությունը հայտնում է «Սպուտնիկ Արմենիա»-ն։

«Վերաքննիչ հակակոռուպցիոն դատարանը վերացրել է Ալեքսանդր Սարգսյանի նկատմամբ կիրառված կալանավորման որոշումը։ Այնուհետև դատախազությունը դիմել է վճռաբեկ դատարան, սակայն դատարանը վարույթ չի ընդունել դատախազության բողոքը»,– լրատվամիջոցին հայտնել են Հակակոռուպցիոն դատարանից։

Ավելի վաղ տեղեկացրել էինք, որ նախաքննական մարմինը փետրվարի 24–ին միջնորդել էր դատարանին Ալեքսանդր Սարգսյանի նկատմամբ կալանք կիրառելու համար։ Նրա նկատմամբ հետախուզում էր հայտարարվել։