Տեսանյութ՝ Ուլան Ուդեում աղետի ենթարկված ուղղաթիռի անկման վայրից

Համացանցում հայտնվել է տեսանյութ Ուլան Ուդեում աղետի ենթարկված մասնավոր ուղղաթիռի անկման վայրից: Կադրերը նկարահանել են տեղի բնակիչները:

Անկումից հետո ուղղաթիռը գրեթե ամբողջությամբ հրկիզվել է, մնացել են միայն փոքրաթիվ բեկորներ:

Մասնավոր ուղղաթիռն օդ է բարձրացել Վերխնյայա Բերյոզովկա գյուղից և ընկել Ուլան-Ուդեի հանգստյան տներից մեկի տարածքում: Ավիավթարի հետևանքով ուղղաթիռում գտնվող 4 ուղևորներն, ովքեր, ըստ նախնական տեղեկությունների, մեկնում էին ձկնորսության, մահացել են: Նշվում է, որ ուղղաթիռը պատկանում էր «People's Park» զվարճանքների կենտրոնի սեփականատեր Սերգեյ Ռոգովին, ով նույնպես ուղղաթիռում է գտնվել: