Ուրբաթ, 19 հուլիսի, 2019 թ.
|
Ստեփանակերտում`   +18 °C

Մթերքներ, որ խորհուրդ չի տրվում պահել սառնարանում

Մթերքներ, որ խորհուրդ չի տրվում պահել սառնարանում
442
Կիրակի, 20 հունվարի, 2019 թ., 22:10

Սառնարանն անհրաժեշտություն է կենցաղում՝ մթերքները պահպանելու համար, բայց ոչ բոլոր մթերքներն են, որ կարելի է պահել այնտեղ: Շատ մթերքներ սառնարանում ավելի արագ են փչանում, փոխում են իրենց համային որակներն ու կորցնում օգտակար հատկանիշները: Ներկայացնում ենք մթերքներ, որոնք չի կարելի սառնարանում դնել:

1. Սոխ
Սառնարանում բարձր է խոնավության մակարդակը, ինչի հետևանքով սոխը փափկում է այնտեղ, կորցնում իր համը, կարող է նաև նեխել: Այնպես որ, ավելի ճիշտ է սոխը պահել զով, չոր պայմաններում:

2. Ավոկադո
Սննդի մեջ ավելի ճիշտ է կիրառել թարմ ավոկադոն: Այս միրգը թարմ վիճակում կարելի է կարագի պես քսել հացին ու ուտել: Այն կարելի է պահել սենյակային ջերմաստիճանում:

3. Կարտոֆիլ
Օսլայի պարունակության պատճառով սառնարանում կարտոֆիլը փոխում է իր համը, դառնում է ջրալի: Ավելի ճիշտ է այս բանջարեղենը պահել մութ, զով վայրում՝ թղթե կամ ստվարաթղթե տուփերում:

4. Լոլիկ
Սառնարանում լոլիկը ևս փոխում է իր համը: Լոլիկը կարելի է պահել սենյակային ջերմաստիճանում՝ արևի ուղղակի ճառագայթներից հեռու:

5.Սուրճ
Սուրճը հեշտորեն ներծծում է խոնավությունն ու հոտերը: Այն ավելի ճիշտ է պահել հերմետիկ փակվող տարայում՝ զով ու չոր վայրում:

6. Սխտոր
Սառնարանում սխտորը շատ արագ փչանում է, իսկ առանց սառնարանի դիմանում է մի քանի ամիս:

7. Ձմերուկ
Ամբողջական ձմերուկը սառնարանում պահել չի կարելի: Այն սառնարանում կարելի է թողնել կտրտելուց հետո միայն:

8. Մեղր
Մեղրը սառնարանում բյուրեղանում է, կորցնում համը և առողջարար հատկությունը:

9. Հաց
Սառնարանում հացի վրա բորբոս է առաջանում: