Մահացել է աշխարհի ամենատարեց տղամարդը՝ տիտղոսը փոխանցելով գերմանացուն

Գինեսի ռեկորդների գրքում որպես աշխարհի ամենածեր տղամարդ ներառված ճապոնացի Մասաձո Նոնակոն մահացել է՝ ապրելով 113 տարի և 179 օր: Նոնակոն ծնվել էր 1905 թվականի հուլիսի 25-ին, նա ունի 5 երեխա, որոնցից 2-ը դեռ ողջ են:

Կյանքի վեջին տարիներին նա ապրում էր Հոկայդո կղզու Մեական լեռան բնակավայրի մոտ, թոռների հետ: Նոնակոն սիրում էր գրքեր կարդալ, դիտել Սումոյի առաջնություններ եւ օպերային ներկայացումներ:

Այժմ աշխարհի ամենատարեց մարդու տիտղոսը կփոխանցվի գերմանացի Գուստավ Գերնեթին, ով ծնվել է 1905 թվականի հոկտեմբերի 15-ին: