«Անարդար է խաղաղության գործընթացը ձգձգելու հարցում մեղադրել հայաստանյան ընդդիմությանը»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը․ «Ցավալի է տեսնել, բայց փաստ է, որ Հայաստանում արևելյան հարևանի հետ խաղաղության հասնելու ջանքերն ականահարելու հարցում մեղադրվում է ընդդիմությունը:
Ես չեմ կարող բացառել, որ, իրավամբ, հայաստանյան ընդդիմությունը կամ նրա մի մասը կամ մեծ մասը դեմ է այն խաղաղությանը, որը մեզ առաջարկվում է, որի հնարավորությունը գուցե կա:
Բայց անարդար է խաղաղության գործընթացն ականահարելու կամ ձգձգելու հարցում մեղադրել հայաստանյան ընդդիմությանը, երբ խաղաղության պայմանագիրը հայտնի է, թե ով չի ուզում ստորագրել և ինչու չի ուզում և ինչ նախապայմաններ է առաջ քաշում՝ Սահմանադրության փոփոխությունից սկսած:
Ստորև՝ արևելյան հարևանի նախագահի հայտարարությունը, որ արել է 2024թ հունվարին, ասելով, որ իրենք չեն հեռանալու 2021-2022թթ Հայաստանի զավթած տարածքներից:
Իշխանական պրոպագանդան հանգիստ կարող է դելիմիտացիայի հարցը ձգձգելու մեջ նույնպես մեղադրել ընդդիմությանը»։