ԵՄ-ում Փաշինյան-Ալիև հանդիպումը հուսադրող են համարել

ԵՄ-ն հուսադրող է համարել Հայաստանի ու Ադրբեջանի ղեկավարների՝ Վիեննայում տեղի ունեցած հանդիպումը՝ պատրաստակամություն հայտնելով աջակցել միջնորդության ջանքերին: «Հուսադրող է առաջնորդների՝ հրադադարի ամրապնդման և խաղաղության համար բարենպաստ պայմանների ստեղծման հանձնառությունը, ինչպես նաև բանակցությունների ուղղությամբ արդյունքներ ձեռք բերելու նրանց պատրաստակամությունը»,- այս մասին նշված է ԵՄ հայտարարության մեջ: Նշվում է նաև, որ ԵՄ-ն անհամբերությամբ սպասում է Վիեննայի համաձայնագրի իրականացմանը, որը վերաբերում է մարդասիրական ոլորտում գործողությունների մշակմանն ու բնակչությանը խաղաղության նախապատրաստելուն: