«Այդ ժամանակ կասեմ՝ թող մի տականք էլ ավել ման գա այս արևի տակ». Անահիտ Բախշյան
745 Չորեքշաբթի, 23 հոկտեմբերի, 2019 թ., 14:15 Հոկտեմբերի 23-ին լրագրողների հետ հանդիպմանն Ազգային ժողովի նախկին պատգամավոր, Յուրի Բախշյանի այրի Անահիտ Բախշյանն ասաց, որ նոր իշխանությունը դեռ որևէ բան չի անում Հոկտեմբերի27-ը բացահայտելու համար: Նա հիշեցրեց, որ իր տրամադրության տակ չունի անջատված մասով որոշում, ուստի չի կարող բողոքարկման համար դիմել դատական ատյաններին: Իշխանության այն փաստարկը, որ գործի վերաբացման համար նոր հանգամանքներ պետք է ի հայտ գան, դրանք վերջին շրջանում կան: Բանախոսն այն կարծիքը հայտնեց, որ Հոկտեմբերի 27-ի գործը, ի տարբերություն Մարտի 1-ի գործի, այնպիսինն է, որ դրանում կան ոչ միայն ներքաղաքական, այլև արտաքին քաղաքական խաղացողներ: «Ասում եք՝ նոր իշխանություն, բայց գլխավոր դատախազը հինն է, այդ դատախազն էլ շահագրգռված չէ: Նոր դեմքերն էլ ժամանակ չունեն Հոկտեմբերի 27-ին անդրադառնալու: Մարտի 1-ով են զբաղված: Մարտի 1-ին իրենք սեփական մաշկի վրա են զգացել ցավը, Հոկտեմբերի 27-ի ցավն իրենց մաշկի վրա չեն զգացել: Ամբողջ հայ ժողովուրդն է մրմռում, ես դրանում ոչ մի վայրկյան չեմ կասկածում: Ես լինեի իշխանության մեջ, առաջինը Հոկտեմբերի 27-ը կբացահայտեի: Սուբյեկտիվ է հնչում»,- ասաց Ա. Բախշյանը: Նա պնդեց, որ նախկին գլխավոր դատախազ Գագիկ Ջհանգիրյանն ամենաիրազեկված մարդն է, ով շատ բան գիտի և այսօր պետք է պատասխանի այն հարցին, թե ինչո՞ւ մինչ այսօր անջատված մասով որոշում չեն ստացել: Ինչ վերաբերում է Նաիրի Հունանյանի՝ վաղաժամկետ ազատման դիմումին, ապա Ա. Բախշյանի դիտարկմամբ՝ նա այն աստիճան անպատկառ մարդ է, որ համարձակվում է նման դիմում գրել: «Հենց կգա այն օրը, որ արդարադատությունը Հայաստանում կհաստատվի, և մեր դատարանները կլինեն իսկապես արդարադատություն հաստատող դատարաններ, ես այն ժամանակ կասեմ՝ թող մի տականք էլ ավել ման գա այս արևի տակ»: Այն հարցին, թե ինքը որքանով է հնարավոր համարում Ն. Հունանյանի խնդրանքի բավարարումը, Ա. Բախշյանն ասաց, թե այն մարդիկ, ովքեր դրա վերաբերյալ դրական որոշում կկայացնեն, կարմիր գիծ կքաշեն իրենց անվան վրա: |
«Կաֆեներում ջահելությունը լատե ա խմում․ ոչ մեկ Օպերա չի գալիս»․ Նանա Սարգսյան
2901:30«Տավուշում իրականացվող սահմանազատումը հակասում է ՀՀ պետական շահերին»․ Արա Զոհրաբյան
2501:18«Հաջորդը Սյունիքն է, հետո Արարատն ու Վայոց ձորը»․ Սոֆյա Հովսեփյան
5600:36Իրավիճակը՝ Բաղանիս-Նոյեմբերյան ճանապարհին (տեսանյութ)
13500:00«Հիմա էլ լռե՞նք»․ Թագուհի Թովմասյան
68Երեկ, 23:48Քաղաքացիները հավաքվում են Ազատության հրապարակում (տեսանյութ)
130Երեկ, 23:30«Ոսկեպարի բնակիչները հայտարարել են, որ Փաշինյանն իրենց այլ բան էր խոստացել»․ Ոսկան Սարգսյան
109Երեկ, 23:18Բաղանիս և Ոսկեպար համայնքների բնակիչներն այս պահին ակցիա են իրականացնում
124Երեկ, 22:30