Հինգշաբթի, 03 հուլիսի, 2025 թ.
|
Ստեփանակերտում`   +16 °C

«296 բանաձևը համարձակ քայլ է ճշմարտությանը և պատմական արդարությանը ծառայելու համար»․ Հ․ Խառատյան

«296 բանաձևը համարձակ քայլ է ճշմարտությանը և պատմական արդարությանը ծառայելու համար»․ Հ․ Խառատյան
290
Չորեքշաբթի, 30 հոկտեմբերի, 2019 թ., 14:50

Ազգագրագետ Հրանուշ Խառատյանը ֆեյսբուքյան իր էջում գրել է. «Հայաստան պետության ներկայիս քաղաքական լիդերը՝ Նիկոլ Փաշինյանը միանգամայն պատշաճ է գնահատել ԱՄՆ Կոնգրեսի 296 բանաձևը:

Կարծում եմ, որ ԱՄՆ Կոնգրեսի կողմից Հայոց ցեղասպանության ճանաչման առիթով ՀՀ վարչապետ Նիկոլ Փաշինյանի անդրադարձը շատ արժանապատիվ և իրատեսական է՝ «Ես ողջունում եմ ԱՄՆ Կոնգրեսի պատմական քվեարկությունը, որը ճանաչեց Հայոց ցեղասպանությունը: 296 բանաձևը համարձակ քայլ է ճշմարտությանը և պատմական արդարությանը ծառայելու համար, որը նաև մխիթարում է Հայոց ցեղասպանությունից մազապուրծ եղած միլիոնավոր սերունդներին»:

Հայոց ցեղասպանության ճանաչման կոնգրեսի բանաձևը որևէ գործնական քաղաքական ակտ կամ գործընթաց չի ենթադրում, որևէ ակնարկ չկա Ցեղասպանության հետևանքների մասին, նույնիսկ Ցեղասպանության զոհերի հայրենիքի կորստի և չկայացած արդարադատության մասին ակնարկ չկա: Այն, իհարկե, «մխիթարում է Հայոց ցեղասպանությունից մազապուրծ եղած միլիոնավոր սերունդներին», բայց ցեղասպանության կանխարգելումներին ծառայող արդարության վերականգնմանը չի օգնում»:

Կարդացե՛ք նաև