Տասնյակ բժիշկներ անհանգստանում են՝ Ասանժը կարող է մահանալ բանտում

Ավելի քան 60 բժիշկների խումբը՝ Մեծ Բրիտանիայից, Ավստրալիայից, Շրի Լանկայից ու եվրոպական մի շարք երկրներից, բաց նամակ են հղել Մեծ Բրիտանիայի ՆԳՆ ղեկավար Փրիթի Փատելին՝ իրենց մտահոգությունը հայտնելով Լոնդոնում ձերբակալված Ջուլիան Ասանժի՝ WikiLeaks կազմակերպության հիմնադրի հոգեկան ու ֆիզիկական առողջության հետ կապված։ Նրանք կոչ են անում անհապաղ հոսպիտալացնել Ասանժին, հաղորդում է РИА Новости գործակալությունը։ «Նման օգնության բացակայության դեպքում մենք հիմնավոր հիմքեր ունենք հավատալու, որ Ջուլիան Ասանժը կարող է մահանալ բանտում»,- գրել են բժիշկները:
Ավելի վաղ, Ասանժի հայրը՝ 80-ամյա Ջոն Շիփթոնը, հայտարարել էր, որ վախենում է իր որդու՝ ԱՄՆ արտահանձնելուց, որտեղ նրան սպառնում է երկարատև բանտարկություն, և նա հավատում է, որ որդին կմահանա բանտում: