«Առաջարկում եմ կրթական աստիճանը ստուգելու հետազոտություն անցկացնել նաև ԱԺ-ում»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը. «Մեր դպրոցականների գիտելիքների մասին հետազոտությունը, որ ակտիվ կերպով քննարկվում է ֆեյսբուքում, անակնկալ չէ:
Ընդհանրապես մենք մեր մասին շատ բարձր կարծիքի ենք, լինի.
ա/ կրթության վիճակը,
բ/ պարզ մարդկային փոխհարաբերությունները,
գ/ քաղաքակիրթ բանավեճը,
դ/ բանակի վիճակը, նաև՝ այսօր, այնտեղի փոխհարաբերությունները...
Ձեքներդ դրեք որևէ ոլորտի վրա, վրայից մաքրեք փոշին ու առասպելները, և դուք, մենք կտեսնենք մեր իրական դեմքը:
Այնպես որ, կարևոր էր այս զեկույցի հրապարակայնացումը:
Հիմա այստեղ մի ուրիշ հարց կա:
Այսօրվանից մենք, որ մեր երեխաներին դպրոց ենք ուղարկել, փոխվելու ե՞նք, թե մեզ ավելի շատ հետաքրքրում է.
ա/ մեր երեխաներին կտրել փողոցից ու հեռախոսից և գիրք կարդալ սովորեցնել,
բ/ դպրոցում կարևորելո՞ւ ենք ուսուցումը, թե՞ թվանշանը.
գ/ կարևորելո՞ւ ենք մեր երեխաների հագուկապն ու ուսուցիչներին նվերների չափը, թե՞ իրական գիտելիքը:
Եվ վերջում:
Մեր իշխանական պատգամավորներից մեկը, ինչպես ես, չէի զարմացել, որ մեր դպրոցը աղետալի վիճակում է և ազգընտիրը գրել էր՝ կարդում ես լրատվամիջոցների վերնագրերը և հասկանում, թե ինչ կրթություն են ստացել:
Առաջարկում եմ կրթական աստիճանը ստուգելու հետազոտություն անցկացնել նաև մեր Ազգային ժողովում, և դա անել հրապարակավ, որպեսզի իմանանք, թե կրթական ինչպիսի մակարդակ ունեն մեր ազգընտիրները:
Վստահ եմ, խորհրդարանում էլ է նույն աղետը»: