Հայտնի են #Covid_19 կորոնավիրուսից ապաքինվելու ժամկետները․ ԱՀԿ

3169

Կիրակի, 01 մարտի, 2020 թ., 14:00

Կորոնավիրուսից լիարժեք վերականգնումը տեղի է ունենում վարակի առաջին ախտանիշներն ի հայտ գալուց մոտավորապես 20 օր հետո: Այս մասին հայտնում է РИА Новости-ն՝ հղում անելով Առողջապահության համաշխարհային կազմակերպության փորձագետ և պաշտոնական ներկայացուցիչ Թարիկ Յազարևիչին:

Իր եզրակացություններում փորձագետը մեջբերել է վերջին ուսումնասիրությունների տվյալները:

«Համաձայն մեր կլինիկական հանձնարարականների՝ հիվանդին կարող են դուրս գրել հիվանդանոցից վիրուսի ախտորոշման թեստի երկու անընդմեջ բացասական պատասխանից հետո: Թեստերն անցկացվում են մեկ օրվա տարբերությամբ: Ներկայումս առկա ուսումնասիրությունների հիման վրա՝ ախտանիշներնի հայտ գալուց և ամբողջապես վերականգնման ժամանակահատվածը մոտավորապես 20 օր է»,- նշել է Յազարևիչը: Ինչ վերաբերում է կորոնավիրուսի նկատմամբ իմունիտետի առաջացմանը, ապա դրա մասին խոսելը դեռ վաղ է, քանի որ հիվանդությունը դեռ լիարժեք ուսումնասիրված չէ: