Վրաստանում #COVID_19 կորոնավիրուսով վարակված առաջին հիվանդն առողջացել է

1827

Շաբաթ, 14 մարտի, 2020 թ., 14:05

Վրաստանում կորոնավիրուսով վարակված առաջին հիվանդի մոտ թեստավորման պատասխանը չի հայտնաբերել վարակի առկայությունը, այժմ բժիշկներն սպասում են երկրորդ թեստի արդյունքին։ Այս մասին հայտնել է Թբիլիսիի ինֆեկցիոն հիվանդանոցի տնօրեն Մարինա Էզուգբայան։

Էզուգբայան նշել է, որ նախօրեին հիվանդը թեստավորում է անցել և գրանցվել է բացասական արդյունք, ինչը նշանակում է, որ, ըստ նախնական տվյալների, քաղաքացու մոտ կորոնավիրուս չկա։
Վրաստանում նոր կորոնավիրուսի առաջին դեպքը հաստատվել է փետրվարի 26-ին: Վիրուսը հայտնաբերվել էր 50-ամյա մի տղամարդու մոտ, ով Վրաստան էր եկել Իրանից։

Վրաստանում կորոնավիրուսի հաստատված դեպքերի քանակը հասել է 30-ի: Այս պահի դրությամբ կարանտինային գոտում է գտնվում 418 մարդ, հատուկ ուշադրության տակ է նրանցից 54-ը: