Ուրբաթ, 29 մարտի, 2024 թ.
|
Ստեփանակերտում`   +6 °C

#COVID_19 կորոնավիրուսով վարակվածների թիվն աշխարհում գերազանցել է 168,700-ը

#COVID_19 կորոնավիրուսով վարակվածների թիվն աշխարհում գերազանցել է 168,700-ը
889
Երկուշաբթի, 16 մարտի, 2020 թ., 11:30

Համաձայն ՉԺՀ առողջապահության հարցերով պետական կոմիտեի տվյալների՝ երկրում գրանցվել է կորոնավիրուսի 80,860 հաստատված դեպք: Ամբողջ աշխարհում վարակվածների թիվը, ըստ SCMP-ի, գերազանցել է 168,700-ը: Առողջապահության համաշխարհային կազմակերպության տվյալներով, Չինաստանից դուրս հայտնաբերվել է 72,649 վարակակիր, իսկ օրվա ընթացքում հաստատվել է 10,982 նոր դեպք, վարակը հայտնաբերվել է 143 երկրում (մեկ օրվա ընթացքում ավելացել է 9 երկիր): Չինաստանից դուրս կորոնավիրուսից մահացել է 2,531 մարդ: Ամբողջ աշխարհում կորոնավիրուսի վարակի արդյունքում ապաքինվող մարդկանց թիվը գերազանցել է 68 հազարը, հայտնում է Չինաստանի Առողջապահության ազգային հանձնաժողովը: 6,510 մարդ մահացել է COVID-2019-ի հետևանքով առաջացած բարդություններից։
Ռուսաստանում նախօրեին հայտնաբերվել է կորոնավիրուսի վարակի չորս նոր դեպք: Նրանցից երեքը գրանցվել են Մոսկվայի շրջանում, մեկը՝ Տյումենի: Ռուսաստանում հայտնաբերված կորոնավիրուսային վարակների ընդհանուր թիվը 63 է:

Գերմանիայի իշխանությունները որոշում են կայացրել փակել սահմանն Ավստրիայի, Ֆրանսիայի և Շվեյցարիայի հետ: Այս մասին հայտնել են Der Spiegel-ը և Bild- ը:

Վրաստանի իշխոնությունները ժամանակավորապես կասեցնել են Ռուսաստանի հետ սահմանին քաղաքացիների տեղաշարժը՝ կորոնավիրուսի տարածման պատճառով: